4 маусым – Қазақстан Республикасының Мемлекеттік рәміздер күні. Осы мерекеге орай "Астана" бөбекжай-бақшасында тәрбиеленушілер мерекелік көңіл-күй қалыптастыру үшін 4 маусым күні  таңғы сағат 9.00 де бүкіл бөбекжай-бақша бойынша Мемлекеттік Әнұран орындалды. Бұл шара жас ұрпақты Отанын сүюге, мемлекеттік рәміздерді қадірлеуге және құрметтеуге тәрбиелеуге бағытталды.

«Адал азамат» біртұтас тәрбие жоспары аясында бөбекжай-бақшамызда «ӘКЕМ, АНАМ ЖӘНЕ МЕН – СПОРТ СҮЙЕР ЖАНҰЯ!» атты отбасылық эстафеталық спорттық сайыс өткізілді. Іс-шараның басты мақсаты – отбасы мүшелерінің арасындағы сыйластықты, татулықты және ұйымшылдықты нығайту, ата-аналар мен балаларды салауатты өмір салтын ұстануға баулу, спортқа деген қызығушылықтарын арттыру. Сайысқа ересек «Құлпынай», «Құлыншақ», «Балапан», «Қонжық» топтарының ата-аналары балаларымен бірге белсене қатысты.